रायपुर : मुनगा के खेती करही मालामाल, किसान हा 15 एकड़ म लगाए हे मुनगा के 10 हजार पौधा
रायपुर। सरीर ल संतुलित आहार के पूर्ति अउ भरपूर मात्रा म लौह तत्व प्रदान करने वाला मुनगा के औषधि गुण ले सरीर निरोगी रहिथे। एक ओर जिहां मुनगा फल अउ भाजी ह शरीर ल पुष्ट करथे, उहें दूसर डाहर ये हा आय के एक सस्ता-सुलभ माध्यम आय। सरकार द्वारा विभिन्न योजना मन के माध्यम ले किसानमन के आय ल दोगुना करे के प्रयास किए जावत हे। मुनगा के खेती घलो किसानमन के आय ल बढ़ाए म सक्षम है। एही कड़ी म उद्यान विभाग द्वारा संचालित योजना के माध्यम ले रोपित किये जाने वाला फसलमन म मुनगा के स्थान विशेष हे। एला ध्यान म रखत जिला के किसानमन ल मुनगा के खेती बर प्रेरित करे गिस। इच्छुक किसान मन ल मनरेगा द्वारा उत्पादित मुनगा पौधा के निःशुल्क वितरण उद्यान विभाग के रोपणी मन में करे गिस।
आरंग विकासखंड के ग्राम भिलाई के कृषक श्री अजय शर्मा के पिता पहली अपन पड़त भूमि म धान, अरहर, चना के खेती करके परिवार के भरण-पोषण करत रिहिन। ये खेती ले परिवार के सामान्य पालन-पोषण ही संभव रिहिस अउ आर्थिक स्थिति म कोई बढ़ोतरी नई होवत रिहिस हे। श्री शर्मा हा बी.ई. के पढ़ाई के बाद कार रिपेयरिंग गैरेज खोलके आमदनी के रास्ता बनाईन। फेर ये व्यवसाय ले भी आर्थिक स्थिति म मनचाहा सुधार नई हो पाईस। उद्यानिकी विभाग के योजना के जानकारी के बाद अपन 15 एकड़ के कृषि उद्यानिकी प्रक्षेत्र म मनरेगा योजनान्तर्गत उद्यान विभाग के रोपणी पारागांव अउ मंदिर हसौद ले निःशुल्क मुनगा पौधा पाके 10 हजार पौधा के रोपण करिन। ओ पौधा मन के उचित रखरखाव, सिंचाई, निंदाई, गुड़ाई खाद उर्वरक दे के बाद वर्तमान म मुनगा पौधा मन लगभग 10 फीट उंचाई के हो गे हें, जो कि फूल के अवस्था म हें। रोपित पौधे ले मुनगा फल के व्यावसायिक उत्पादन अगस्त 2020 ले प्राप्त होही, जेकर ले प्रति पौधा औसतन उत्पादन 30 किलोग्राम मिलही। जेकर थोक बाजार मूल्य बीस रू. प्रति किलोग्राम प्राप्त होए के संभावना हे। ये प्रकार ले कुल रोपित 10 हजार मुनगा पौधे ले कृषक ल कुल आमदनी 60 लाख रूपए प्राप्त होही। ये तीन वर्ष के मुनगा पौधा मन के रोपण, रखरखाव, सिंचाई, खाद-दवाई, निदाई-गुड़ाई मुनगा फल की तुड़ाई एवं बाजार व्यवस्था बर कृषक द्वारा 15 लाख रूपए व्यय होए के अनुमान हे। ये प्रकार ले कृषक ल 45 लाख रूपए के सुद्ध आमदनी होय के अनुमान हे। ज्ञात हो कि परंपरागत रूप से धान व अन्य फसल के उत्पादन म 3 वर्ष म जतका आय होही ओकर ले कहीं ज्यादा मुनगा के फसल ले आमदनी होही।
