ब्रिटेन के नवा मंत्रिमंडल म तीन भारतीय, पहली बार गृहमंत्री के पद घलो मिलिस
लंदन। प्रधानमंत्री बोरिस जॉनसन के कैबिनेट म कोनो एक नहीं, तीन-तीन भारतवंशी मन ला जगा मिले हे। प्रीति पटेल ला गृह मंत्री बनाए गे हे।
इन्फोसिस के सहसंस्थापक एनआर नारायण मूर्ति के दमाद ऋषि सुनाक ला कोषालय मंत्री अउ आलोक शर्मा ला अंतरराष्ट्रीय विकास मामला के मंत्री बनाए गे हे।
प्रधानमंत्री जॉनसन हा वो सबो लोगन ला पदोन्नत करे हें, जेमन ब्रेग्जिट मुद्दा म उंकर साथ दे रिहिन हें।
प्रीति पटेल (47) हा ब्रिटेन के गृहमंत्री के पद म पहुंचइया पहिली भारतीय हें। ओमन ब्रेग्जिट के मुद्दा म पूर्व प्रधानमंत्री थेरेसा मे के नीति के मुखर आलोचक रिहिन।
एकर पहिली ब्रिटेन के गृह मंत्री पाकिस्तानी मूल के साजिद जाविद रिहिन। ओला अब वित्त मंत्री बनाए गे हे।
कार्यभार संभाले के बाद प्रीति हा किहिन, ‘‘अपन कार्यकाल के दउरान मोर पहली कोशिश इही होही कि हमर देश अउ इहां के लोगन सुरक्षित राहंय। बीते कुछ समय ले सड़क म भी काफी हिंसा देखे गे हे, हमन एमा भी रोक लगाबो। हमर सामने कुछ चुनौती जरूर हे, लेकिन हम सबले निपट लेबो।’’
प्रीति हा 2010 म पहिली बार एसेक्स के विथेम ले कंजरवेटिव सांसद बनिस। डेविड कैमरन के अगुआई वाला सरकार म ओमन ला भारतीय समुदाय ले जुड़ी जिम्मेदारी मिले रिहिस।
2014 म ट्रेजरी मिनिस्टर (जूनियर मिनिस्टीरियल पोस्ट) अउ 2015 म एम्प्लॉयमेंट मिनिस्टर बनाए गिस। 2016 म थेरेसा मे हा ओमन के प्रमोशन करके डिपार्टमेंट ऑफ इंटरनेशनल डेवलपमेंट म विदेश मंत्री बनाईस। 2017 म ओमन ला पद ले इस्तीफा दे बर केहे गिस।
