लड़का हा देखे नई सकय, त लड़की हा चले नई सकय, दूनों झन मिलके का कारनामा करिन, पढ़व ये स्टोरी
कोलोराडो (अमेरिका)। लड़का हा देखे नई सकय, त लड़की हा चले नई सकय, तभो ले दूनों झन मिलके अइसे कारनामा करिन कि उंकर चर्चा पूरा दुनिया म होवत हे।
अमेरिका के कोलोराडो के रहइया मैलनी नैक्ट अउ ट्रेवर हन हा ये कारनामा करें हें। मैलनी हा चले नई सकय अउ ट्रेवर हा देख नई सकय। एकर बावजूद दूनों झन हा कोलोराडो के पहाड़ म चढ़ गे। अब दूनों झन 14000 फीट ऊंचा पहाड़ म चढ़े के योजना बनावत हें।
मैलनी हा अपन पोस्ट म लिखे हे- “ट्रेवर के पास पांव हे अउ मोर करा आंखी हे। ये हमर सपना हे।” कुछ दिन पहिली दूनों झन कोलोराडो के पहाड़ म घूमत रिहिन। ए यात्रा म ट्रेवर हा मैलनी ला एक कुर्सी के सहारा पीठ म बइठारे रिहिस।
मैलनी हा कहिथे – “हम दूनों म गजब के तालमेल हे। मैं हा ट्रेवर ला सब चीज ला देख के बतावत जाथंव अउ ओ हा सीन आगू बाढ़त जाथे। मैं हा जिदंगी भर व्हीलचेयर म रेहेंव। पहाड़ म आके मोला बहुत अच्छा लागत हे। ये मोर जीवन के सबले अच्छा अनुभव हे।
मैलनी ला बचपन ले ही स्पाइना बिफिडा (रीढ़ के हड्डी विकसित नई हो पाना) हे। एक कारण ले वो हा व्हीलचेयर के सहारा अपन काम करथे। ट्रेवर के दूनों आंखी के रोशनी ग्लूकोमा के कारण चले गे। अब दूनों संग-संग हाइकिंग करथें।
वो कथे कि हम दू हन, हमर दू आंखी हे अउ हमर दू पांव हे। दूनों के मुलाकात एडेप्टिव एक्सरसाइज क्लासेस म होय रिहिस। एकर बाद दूनों झन एक साथ ट्रैकिंग करे के फैसला लिन।
